ALL OVER HERE

كل ما تريد يوجد هنا
 
الرئيسيةس .و .جبحـثالتسجيلالأعضاءالمجموعاتدخول
.:: مطلوب مشرفين للمنتدى للأستعلام إضغط هناااااا ::.
.:: بطاقه التعارف إضغط هناااا ::.
.:: همسات حائره إضغط هناااا ::.

شاطر | 
 

 مشكله احدى صديقاتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همسات حائره
عضو جديد
عضو جديد



مُساهمةموضوع: مشكله احدى صديقاتى   الأربعاء أبريل 22, 2009 6:23 pm


الموضوع هو ان صحبتى مخطوبه ا

وهى وخطيبها بيحبو بعض

بس خطيبها مش بيكلمها على طوول زى ما هى بتتصل بيه يعنى هى

بتتصل بيه اكتر وعلى فكره خطيبها فى محافظه مختلفه

دى اول مشكله انه مش دائما هو اللى بيتصل بيها يعنى ممكن يقعد اربع ايام مش يتصل

بس هو بيحبها عشان محدش يقول انه مش بيحبها واكبر دليل على كده انه اكيد

مفيش ولد فى الزمن ده هيتجوز او يخطب واحده غصب عنه وهو مش بيحبها

تانى مشكله ان لما مامته واخته بيجم ليها هنا فى القاهره ويقعدو معاهم كام يوم

هما قرايب كمان

المهم طول المده اللى اهله موجودين هنا

يتصل باخته الاول ويطمنها انه رجع م الشغل ويتطمن عليهم وكده وبعد كده ياخد صحبتى يكلمها كل ده على موبايل اخته

كل ده مفيش مشكله انه يتصل باهله يتطمن عليهم لكن اللى مضايقها انه على غير العاده مش يرنلها وهو راجع من شغله

او يتصل بيها على موبايلها لكن هى اللى بتتصل بيه

ولما هو بيكون موجود مع مامته واخته عندهم بيتعامل رسمى شويه مع خطيبته اللى هى صحبتى

انا نصحتها انها تواجهه ولازم تعرفه اللى بيضايقها عشان مش يكرره وقولتها كمان انها تقدر احترامه لامه

هى طبعا مقدره ده بس هى بتبقى متضايقه من معاملته لما اهله بيكونو موجودين

انا عاوزه اعرف ارائكم ايه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
subzeroforever
مشرف قسم الالعاب والانمى



مُساهمةموضوع: رد: مشكله احدى صديقاتى   الأربعاء أبريل 22, 2009 11:12 pm

الحوار مش صعب ولا حاجة بس معلش كان هيبقى افضل لو قولتى هو من محافظة ايه لانه ممكن يكون من الارياف او كده ودول ناس بيبقوه خجولين شوية فى فترة الخطوبة وبتاع لان فى الارياف مفيش اخطلاط اوى وده برده يفسر هو ليه بيتعامل رسمى معاها قدام اهله والحل بسيط مش شرط انها تواجهه وتقوله لان ده ممكن يبقى حاجة فى طبعه وعشان تتغير لازم الواحد يتعب شوية يعنى مثلا تبقى تقاله فى كل اخر مكلمة ابقى تمنى عليك ابقى سمعنى صوتك عشان بتوحشنى كده وكمان تحاول فى المكالمة تخليه يتكلم عن نفسه كتير وعن يومه فى الشغل وكده لو لقاها بتسمعله كويس هيتصل بيها كل مرة عشان يتكلم معاها لانه هيحس انها اكتر حد بيسمعله وبلاش تقوله مباشرة انت مش بتتصل ليه عشان ده ممكن يخليه يحس انها من النوع المدلع او النوع اللى عايز اهتمام زيادة اوى وده مش كويس عشانها والافضل لو تلاحظ هى بتتصل بيه كل قد ايه بالظبط وتجرب اسبوع متتصلش وتشوف رده فعله يعنى.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SAMO
Admin
avatar


مُساهمةموضوع: رد: مشكله احدى صديقاتى   الأربعاء أبريل 22, 2009 11:36 pm

دلوقتى اللى انا شايفه انها من النوع الرومانسى اللى بيحب كل شوية يكلم حبيبه وهوه ممكن يكون جد شوية .
وبالنسبة انه لما بيعاملها رسمى لما بيكونو عندهم في البيت فده ممكن يكون احراج من والدته واخته واهل خطيبته ولكن طبعا في التليفون مستحيل انه يكون رسمى.
ومش انصح انها تواجهه عشان هوه ها يكون مش شايف انه كده غلطان في حقها لكن هوه بيتصرف بطبيعته.
اللى انا شايفه انها لو متأكده من حبه ليها تتقل عليه شوية ومش تهتم الاهتمام الزياده ده وتشوف رد فعله ولو هوه حس بعدم اهتمامها بيه وقتها تقول له ان ده كان شعورها من اهماله ليها...

وده رأيي وارجو ان يفيد..

====================


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسات حائره
عضو جديد
عضو جديد



مُساهمةموضوع: رد: مشكله احدى صديقاتى   الأحد أبريل 26, 2009 6:59 pm

مشكورين على ردودكم وارائكم وهقولها عليها لان ردودكم مفيده جدا

وعلى فكره هو مش خجول يعنى ولا حاجه ومش من بلد ارياف

وهو بيبقى معاملته رسمى شويه لما اهله بيبقى موجودين بس خاصه امه انما اخته واهل خطيبته مش بيكون كلامه رسمى قدامهم

يعنى لو بيتحرج من امه هى مسيرها هتبقى معاهم ووسطهم مش معقوله يتعامل رسمى مع خطيبته اللى خلاص هتبقى مراته قريب ان

شاء الله واى ام اكيد بتفرح لابنها خاصه لما تلاقيه بيحب خطيبته وهى بتحبه

وهو اوقات كتير يتعصب علي خطيبته اللى هى صبحبتى وهو مش بتكون السبب ويغضب كام يوم وكل ما هى تكلمه يرد عليها برد

واقف وده طبعا بيضايقها وانا قلقانه عشانها عشان ده جواز وعشره طول العمر ونفسى تكون سعيده فى حياتها عشان كده انا مشغوله

بيها قوى

على العموم مشكورين يا اخوانى على ارائكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مشكله احدى صديقاتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ALL OVER HERE :: قسم حواء :: همسات حائره-
انتقل الى: